Azadsöz.az xəbər verir ki, ötən gün Göyçay rayon icra hakimiyyətinin başçısı Mehdi Səlimzadənin rəhbərliyi ilə İnzibati ərazi dairəsi üzrə nümayəndələrlə videokonfrans keçirilib.Videokonfransda rayon icra hakimiyyəti aparatının məsul əməkdaşları, Göyçay rayon Mərkəzi Xəstəxanası publik hüquqi şəxsin direktoru Elçin Bilalov, şəhər və kənd inzibati ərazi dairələri üzrə nümayəndələri növbəti videokonfransda iştirak ediblər.
Videokonfransda rayon İcra Hakimiyyətinin başçısı Mehdi Səlimzadə Baş nazir Əli Əsədovun sədrliyi ilə Nazirlər Kabineti yanında Operativ Qərargahın keçirdiyi növbəti iclasından söz açaraq bildirib ki, iclas zamanı ölkədə pandemiyaya qarşı mübarizənin vəziyyəti, yoluxmanın dinamikası və peyvəndləmə prosesinin gedişi müzakirə olunub, peyvəndlənmənin əhəmiyyətinə dair maarifləndirmə işinin daha da genişləndirilməsi, peyvənd vurulması prosesinin sürətləndirilməsi və nəzarətin gücləndirilməsi haqda tapşırıqlar verilibdir.
Daha sonra Göyçay rayon Mərkəzi Xəstəxanası publik hüquqi şəxsin direktoru Elçin Bilalov çıxış edərək qeyd edib ki, ölkəmizin bütün regionlarında olduğu kimi Göyçay rayonunda da Nazirlər Kabinetinin 2021-ci il 16 yanvar tarixli Sərəncamı ilə təsdiq edilmiş “Azərbaycan Respublikasında COVID-19 xəstəliyi əleyhinə 2021-2022-ci illər üçün Vaksinasiya Strategiyası”na uyğun olaraq COVID-19 infeksiyasına qarşı mübarizə məqsədilə əhalinin peyvənd olunması kampaniyası uğurla həyata keçirilir. Rayon üzrə indiyədək 5777, o cümlədən 2324 şəxs ikinci doza ilə peyvənd olunubdur.
Bununla yanaşı videokonfransda şəhər və kənd inzibati ərazi dairələri üzrə nümayəndələri rayon ərazisində baramaçılığın inkişaf etdirilməsi üçün yem bazasının yaxşılaşdırılması məqsədi ilə tut tinglərinin əkini və becərilməsi, quş qripi xəstəliyinin baş verməməsi üçün profilaktiki tədbirlərin görülməsi barədə məlumat verilibdir.