Azadsöz.az xəbər verir ki, Vətən müharibəsində şəhid olan Nadir Arzu oğlu Nadirli qız övladı dünyaya gəlib. Şəhidin vəsiyyətinə əsasən, körpəyə Nadya adı qoyulub.
Xatırladaq ki, şəhid Nadir Arzu oğlu Nadirli 1992-ci ilin martın 23-də Şəmkir rayonunun Qasımalılar kəndində anadan olub. Füzuli istiqamətində gedən döyüşlərdə qəhrəmanlıq göstərərək şəhidlik zirvəsinə ucalıb.
Şəhidimiz ölümündən sonra “Vətən uğrunda”, “Döyüşdə fərqlənməyə görə” və “Füzulinin azad olunmasına görə” medalı ilə təltif edilib.
