Azadsoz.az xəbər verir ki, hadisə noyabrın 10-da saat 22 radələrində rayonun M.Ə.Rəsulzadə küçəsində qeydə alınıb.
Belə ki, 10-XV-434 dövlət nömrə nişanlı, “VAZ 2107” minik avtomobilinin sürücüsü avtomobillə hərəkətdə olarkən qəfil idarəetməni itirib və maşın maneyəyə çırpılıb.
Qəza nəticəsində avtomobildə olan 2007-ci il təvəllüdlü Fikrət Məmmədov, 2004-cü il təvəllüdlü İbrahim Adıgözəlov və 2004-cü il təvəllüdlü Nuran Daşdəmirov müxtəlif dərəcəli bədən xəsarətləri ilə Göyçay Rayon Mərkəzi Xəstəxanasına çatdırılıblar.
Faktla bağlı Göyçay Rayon Polis Şöbəsində cinayət işi başlanılıb, araşdırmalar davam etdirilir.
Səbuhi Eltonlu