Azadsöz.az xəbər verir ki, Göyçay rayonunun Üngütlü kəndi ərazisində yol-nəqliyyat hadisəsi baş verib.
Sürücü avtomobili ilə hərəkətdə olarkən idarəetməni itirib, maşın yoldan çıxaraq kəndin mərkəzindəki Şəhid Fərid Nadirovun adına tikilən bulağa çırpılıb.
Hadisə zamanı bulağın bir hissəsi dağılıb.
Faktla bağlı Göyçay Rayon Polis Şöbəsi tərəfindən araşdırma aparılır.
Qeyd edək ki, şəhid Nadirov Fərid İlyas oğlu 27 sentyabr 2020-ci ildə başlanan Vətən müharibəsində iştirak edib. 28 noyabr 2020-ci il tarixdə Suqovuşan istiqamətində gedən döyüşlərdə qəhramancasına şəhid olmuşdur.Prezident İlham Əliyevin sərəncamına əsasən, “Vətən uğrunda” “Suqovuşanın azad olunmasına görə” və “Cəsur döyüşçü” medalları ilə təltif edilmişdir.
Ətraflı məlumat veriləcək.
Səbuhi Eltonlu
Gülşən Muradova