Azadsoz.az xəbər verir ki, Birinci Qarabağ müharibəsində itkin düşmüş və şəxsiyyəti müəyyənləşdirilən şəxslərdən 1 nəfərin Göyçaylı olduğu məlub olub.
Bu barədə Əsir və itkin düşmüş, girov götürülmüş vətəndaşlarla əlaqədar Dövlət Komissiyası məlumat yayıb.
Belə ki, 8 yanvar 1975-ci ildə Göyçay rayonunun Çərəkə kəndindən anadan olan şəhidimiz Piriyev İsmət Medal oğlu 1 noyabr 2024-cü il tarixində saat 13:00-da Göyçay rayon, Çərəkə kənd Şəhidlər Xiyabanında dəfn olunacaq.
Qeyd edək ki, İsmət Piriyev 29 aprel 1993-cü il tarixdə əsgər rütbəsində hərbi xidmətə çağırılmışdır. 1 yanvar 1994-cü ildə Füzuli rayonu istiqamətində gedən döyüşlərdə itkin düşüb. Göyçay rayon məhkəməsinin 2001-ci il tarixli qətnaməsinə əsasən ona şəhid statusu verilib.
Səbuhi Eltonlu
