Göyçay rayonunda Prezident İlham Əliyevin müvafiq Sərəncamı ilə 2024-cü il Azərbaycanda “Yaşıl dünya naminə həmrəylik ili” elan edilməsi ilə bağlı Rayon İcra Hakimiyyətinin təsdiq etdiyi Tədbirlər Planına uyğun olaraq rayonda yaşıllıq zolaqlarının salınması və müxtəlif növ dekorativ güllərin əkilməsi işləri davam etdirilir.
Azadsöz.az xəbər verir ki, 29 oktyabr tarixində Göyçay Rayon İcra Hakimiyyəti yanında Şəhər Təsərrüfatı Birliyinin Yaşıllaşdırma Sahəsinin işçi kollektivi tərəfindən rayonun Heydər Əliyev prospektində, Nizami, Rəsul Rza, M.Ə.Rəsulzadə küçələrində ağacəkmə aksiyası keçirilib.
Əkilməsi nəzərdə tutulan ağacların yerləri müəyyənləşdirilib, çalalar qazılıb və digər zəruri hazırlıq görülüb.Daha sonra 46 ədəd akasiya ağacı əkilib. Yeni əkilən ağaclara küləkdən qorunması üçün dirəklər basdırılıb, suvarılıb.
“Yaşıl dünya naminə həmrəylik ili” çərçivəsində keçirilən ağacəkmə aksiyasının məqsədi ictimaiyyətin diqqətini ətraf mühitin sağlamlaşdırılmasına, yaşıllıqların bərpasına və artırılmasına yönəltmək, iqlim dəyişikliyi ilə mübarizəyə töhfə verməkdir.
Ağacəkmə aksiyası növbəti günlərdə də davam etdiriləcəkdir.
