Azadsöz.az xəbər verir ki, “Telegram” messencerinin beta versiyasında rəqəmsal hədiyyələr peyda olub.
Bu hədiyyələr animasiyalı stikerlərə bənzəyir və müxtəlif GIF-ləri ehtiva edir, məsələn, fişəng, boruları olan bayram timsahı, ağlayan ördək balası, təlxək, böyük ürək, iş yerindəki oranqutan və s.
Bu hədiyyələri həmsöhbətinizə göndərdiyiniz zaman müvafiq effektlər də ekranda görünür və siz GIF-ə kiçik bir mesaj əlavə edə bilərsiniz. Bundan əlavə, istifadəçilər anonim göndərmə funksiyasından istifadə edə bilərlər, bu halda ünvançı imzada görünməyəcək.
Alıcı və göndərən hədiyyənin göndərildiyi tarixi, kimdən və kimlərə göndərildiyi barədə məlumatları, həmçinin mesajı görə biləcəklər. Bəzi hədiyyələr məhdud sayda ola bilər, məsələn, boruları olan timsahların sayı 1000 ədədlə məhdudlaşıb.
Hədiyyələr daxili teleqram “ulduzlarından” istifadə etməklə dəyişən qiymətlərlə əldə edilə bilər. İstifadəçilər hədiyyələri olan xüsusi bölmə də alacaqlar ki, burada onları nəinki saxlamaq, həm də pullu kanal məzmununa daxil olmaq və ya 15% komissiya ilə Toncoin almaq üçün “ulduzlara” dəyişdirmək olar.
Xatırladaq ki, daxili valyuta bu ilin iyun ayında messencerə əlavə edilib. Onun köməyi ilə proqram istifadəçiləri Telegram ekosistemində rəqəmsal mal və xidmətlər üçün ödəniş edə bilərlər.