Azadsöz.az xəbər verir ki, Rusiya hərbçiləri Ukraynadakı müharibədə Minsk Avtomobil Zavodunun istehsal etdiyi yük maşınlarından istifadə edirlər.
Bununla bağlı sosial şəbəkə istifadəçisi Eqor Letov foto yayımlayıb.
Qeyd olunur ki, yük maşınları arasında Belarusun MAZ-5316 yük maşını Luqansk vilayətində, Luqansk və Stanitsa arasında görüntülənib.
“Bu yük maşını Ukrayna Müdafiə Qüvvələrindən qənimət olaraq götürülməyib. “Boqdan” adı ilə istehsal olunan Ukrayna “MAZ”ları fərqli işarəyə malikdir”, – ” Militarny” nəşri yazıb.
Qeyd edək ki, Sovet İttifaqı dağılandan sonra Rusiya Minsk Avtomobil Zavodunun məhsullarından imtina etmişdi.