Azadsöz.az xəbər verir ki, ikinci Qarabağ müharibəsi şəhidi, Orxan Kərimlinin atası Akif Kərimli deputatlığa namizədliyini irəli sürüb.
Məlumata görə, o, seçkilərə 92 saylı Göyçay – Ağdaş Seçki Dairəsindən qatılacaq.
Şəhid atası artıq sənədlərini dairə seçki komissiyasına təqdim edib.
Qeyd edək ki, Orxan Kərimli 2001-ci il oktyabrın 6-da Göyçay şəhərində anadan olub. 2020-ci il sentyabrın 27-də başlayan Vətən müharibəsi zamanı Murovdağ istiqamətində gedən döyüşlərdə iştirak edib. Oktyabrın 9-da Murovdağ döyüşlərində şəhid olub. Göyçayda Şəhidlər Xiyabanında dəfn olunub.
Prezident İlham Əliyevin Sərəncamına əsasən, Orxan Kərimli ölümündən sonra “Vətən uğrunda”, “Cəsur döyüşçü”, Qubadlının azad olunmasına görə”, Kəlbəcərin azad olunmasına görə” medalları ilə təltif edilib.
Səbuhi Eltonlu
