Azadsöz.az xəbər verir ki, Xalq artisti Naibə Allahverdiyevanın səhhətində ciddi problem yaranıb.
Aktrisa uzun müddətdir müalicə alır. Allahverdiyeva bu yaxınlarda müayinə üçün Türkiyəyə yollanıb.
Məsələ ilə bağlı aktrisa Axşam.az-a açıqlamasında durumunun yaxşı olmadığını deyib:
“Ağrılardan bezmişəm. Əsəblərim korlanıb. Hər gün ağrıkəsici ilə yaşamaq çətindir. 10 il əvvəl yıxılmışdım və ayağım zədələnmişdi. Lerikdə çəkilişdə idim, iki gün qayıtmağa maşın olmadı. Beləcə, gecikdim. Burada isə həkimlər yalandan müalicə edib. O vaxtdan topuğumda ağrı var. Gördüm ki, dərman atmaqdan mədəmdə xəstəlik əmələ gəlib. Bu yaxınlarda Türkiyəyə müayinəyə getdim. Həkim dedi ki, bu dərmanları yalandan niyə atırsan? Bunun sənə heç bir xeyri yoxdur, əksinə ziyandır. Dedilər ki, problem bud, diz hissədə olsaydı əməliyyatla aradan qaldıra bilərdik. Topukda olduğu üçün mümkün deyil. Tək çarəsi ayağım dondurulmalıdır. Bu isə əlillik deməkdir. Buna heç vaxt razılaşmaram. İndi çarə axtarıram. Gəldim Bakıya, yenə həkimə getdim və dərmanlar yazdılar. Ağrıkəsicilərlə yaşayıram, əsəblərim pozulub. Bütün çarələrə əl atdım, amma düzəlmir”.