Azadsöz.az xəbər verir ki, Göyçay Rayon İcra Hakimiyyəti yanında Şəhər Təsərrüfatı Birliyinin Sanitar-Təmizlik şöbəsi tərəfindən rayonda gündəlik olaraq təmizlik işləri aparılmasına baxmayaraq, bəzi rayon sakinləri görülən işləri görməməzlikdən gəlirlər.
Belə ki, Heydər Əliyev prospekti daxil olmaqla rayonun bütün küçələrinə sanitar təmizliyin yaxşılaşdırılması məqsədilə məişət tullantılarının yığılması üçün nəzərdə tutulan konteynerlər qoyulsa da bəzi rayon sakinləri məişət tullantılarını konteynerlərlə atmamaqla yanaşı konteyneri yandırırlar.
Yandırılan bu konteyner mənzərəsi rayonun təmizliyi üçün görülən işlərə kölgə salınmasını göstərir.İnanırıq ki, bu fotonu görən şəxslər hadisənin yenidən təkrarlanmamasına çalışacaqlar.
