Azadsöz.az xəbər verir ki, bu gün Sumqayıt Dövlət Dram Teatrının aktyoru Elmir Mehdiyevin doğum günüdür. Elmir Emin oğlu Mehdiyev 1976 -cı il sentyabrın 25-də Bərdədə anadan olub.1983- cü ildə Bərdədə rus məktəbinə gedib.Orta təhsilinin bir hissəsini bir rus məktəbində digər hissəsini isə başqa rus məktəbində alıb.Uşaq yaşlarından musiyə, incəsənətə böyük maraq göstərib. Bu istək elə onu musiqi təhsili almağa vadar edib.1986- cı ildə Bərdədə Musiqi məktəbinə daxil olaraq, tar üzrə təhsil alır.1991-ci ildə musiqi təhsilini başa vuraraq, tar sənətinin sirlərini dərində öyrənib.
1993-cü ildə orta məktəbi başa vurub.1993-1997 ci illərdə Azərbaycan Dövlət Mədəniyyət və İncəsənət Universitetinin ”Dram kino aktyorluğu” ixtisası üzrə təhsil alıb.Gənc aktyor kimi sənət meydanına atılan Elmir Mehdiyev 1998-2002 -ci illərdə Şuşa teatrında, 2007- ci ildə Bakı Uşaq tetarında aktyor kimi çalışıb. 2013-cü ildən Sumqayıt Dövlət Dram teatrının aktyoru kimi fəaliyyət göstərir.
Elmir Mehdiyevin Sumqayıt Dövlət Dram teatrında oynadığı rollar:
M.F.Axundzadə “Molla İbrahimxəlil Kimyagər” – Şeyx Salah
M.F.Axundzadə “Hacı Qara” – Kərəməli
A.Şaiq “Qaraca qız” – Meymun
Xalq nağılı “Üç qardaş” – Canavar, Döyüşçü
H.Mirələmov “Vicdanın Hökmü” – Erməni
A.Məlikov “Çarəsiz evlənmək” – Palaz Daşıyan
R.Əlizadə “Sabah çoxdan başlayıb” – Orxan
Firudin Məhərrəmov “ Maskalı düşmən” -Gülbala
M.V.Qoqal “Çiçikovun sərgüzəştləri” – Petruşka
Hidayət “Burdan min atlı keçdi” – Təlimçi
Qrimm qardaşalrı “Cəsur dərzi” – II əsgər
Jan Anuy “Antiqona” – Keşişçi
Əli Səmədli “Cırtdanın fərasəti” – Cırtdan
Rəhman Əlizadə “Sabah çoxdan başlayıb” -Orxan
Marsel Berkye Marinye “Oğru” – Dədə Şevelyok
Abdulla Şaiq “Tülkü həccə gedir” – Ları xoruz
İsi Məlikzadə “Sultanqulu körpüsü” – Mütəllim
H.X.Andersen “Şahzadənini ulduzu” – Şahzadə, Əcinə