Azadsöz.az xəbər verir ki, bu gün Birinci Qarabağ müharibəsində qəhrəmanlıq göstərərək şəhidlik zirvəsinə ucalan Elçin Rüstəmovun anım günüdür.
Elçin Vaqif oğlu Rüstəmov 1971-ci ildə Göyçay şəhərində anadan olub. 1978-ci ildə Göyçay şəhər 1 saylı orta məktəbi bitirib.1986-cı ildə isə Göyçay Kənd Təsərrüfatının mexanikləşdirilməsi və elektrikləşdirilməsi texnikumuna (indiki Göyçay Dövlət İdarəetmə və texnologiya kolleci) daxil olub.
1990-cı ildə hərbi xidmət keçmək üçün Leninqrad (İndiki Sankt-Peterburq) şəhərinə göndərilib. Cəmi bir il sonra raport yazaraq erməni işğalçılarına qarşı vuruşmaq üçün vətənə qayıdıb. 1993-cü il martın 27 – də Kəlbəcər-Laçın istiqamətində gedən ağır döyüşlərin birində qəhrəmancasına şəhid olub. Mart ayının 31-də Göyçay Şəhidlər Xiyabanında dəfn olunub.