Azadsöz.az xəbər verir ki, Meyvəçilik və Çayçılıq Elmi-Tədqiqat İnstitutunun Göyçay dayaq məntəqəsində yaradılan istixanada mövsümə uyğun olaraq yetişdirilən çiçəklər və dekorativ güllər mərhələli şəkildə rayonda ayrılmış yerlərə əkilməsi davam edir.
Göyçay Rayon İcra Hakimiyyəti yanında Şəhər Təsərrüfatı Birliyinin Abadlaşdırma Təmir İdarəsinin işçi kollektivi tərəfindən əkilməsi nəzərdə müxtəlif güllər Göyçay Heydər Əliyev Parkına əkildikdən sonra qrafikə uyğun olaraq Göyçay Əli Kərim Parkında əkilməsinə başlanıb.
Parkın giriş hissəsində hazırlanmış milli ornametimiz olan Butanın daxili ilkin olaraq hamarlanıb daha sonra çiçəklər və dekorativ güllər əkilib.Bununla yanaşı görülən işlər çərçivəsində əkilən şam ağaclarına, yeni əkilən ağaclara və güllərə aqrotexniki qulluq göstərilib, suvarılıb.
Qeyd edək ki, Göyçayda Ulu Öndər Heydər Əliyevin 100 illiyi ilə bağlı rayonda keçirilən silsilə tədbirlərlə yanaşı parklara və yolların kənarlarına şam ağacları, çiçəklər və dekorativ güllər əkilir.