Göyçayda bu şəxslər üçün iaşə obyektləri tikilir-FOTO/VİDEO
Azadsöz.az xəbər verir ki, Prezident İlham Əliyevin rəhbərliyi ilə həyata keçirilən siyasi kurs çərçivəsində hər bir Azərbaycan vətəndaşının həmçinin həssas təbəqədən olan şəhid ailələrinin və müharibə əlillərinin sosial rifahının yaxşılaşdırılması, onların sosial və məişət problemlərinin həll olunması üçün göstərdiyi yüksək diqqət və qayğı bu gün Göyçay rayonunda da öz müsbət həllini tapmaqdadır.
Belə ki, Prezident İlham Əliyevin 17 oktyabr 2022-ci il tarixli sərəncamı ilə Göyçay rayonuna yeni təyin edilən Natiq Nuşravan oğlu Ağayev tərəfindən qısa müddət ərzində rayonun mərkəzində və kəndlərində aparılan abadlıq-quruculuq və yenidənqurma işləri geniş vüsət alıb.Bununla yanaşı bu gün rayonda işsizlik səviyyəsinin minimum həddə salınması üçün görülən işlər rayonun uğurlu inkişafından xəbər verir.
Bildirək ki, rayon rəhbərinin sakinlərlə və rayonun həsas qrupundan olan Birinci və İkinci Qarabağ müharibəsi zamanı torpaqlarımızın ərazi bütövlüyü uğrunda gedən döyüşlərdə şəhid olan oğullarımızın ailələri və sağlamlığını itirən qazilərimizlə keçirdiyi görüşlər onu deməyə əsas verir ki, rayon bu gün etibarlı əllərdədi.
Bunun baris nümunəsi olaraq qeyd edək ki, Natiq Ağayevin tapşırıq və göstərişinə əsasən Vətən müharibəsi zamanı sağlamlıq imkanlarını itirən qazilərimizin sosial rifahının yaxşılaşdırılmasına görə Göyçay Əli Kərim Parkında onlar üçün iaşə obyektlərinin tikilməsinə göstəriş verib.Göstərişə əsasən parkda iaşə obyektlərinin tikilməsi üçün ayrılmış hissəyə Göyçay Rayon İcra Hakimiyyəti yanında Şəhər Təsərrüfatı Birliyinin Abadlaşdırma Təmir və Mənzil İstismar şöbəsinin işçi kollektivi cəlb olunaraq, tikinti işlərinə başlanıb.Tikilmiş obyektləri icarəyə formasında qazilərimizin ixtiyarına verilməsi nəzərdə tutulub.
