Göyçayda ət kəsimi məntəqələrində reyd keçirilib-FOTO

Azadsöz.az xəbər verir ki, baytarlıq-sanitariya və sanitariya-gigiyena normalarına cavab verməyən yerlərdə, küçələrdə, yol kənarlarında satış məqsədi üçün heyvan kəsimi hallarının qarşısının alınması istiqamətində monitorinqlər, yoxlama-nəzarət tədbirləri həyata keçirilir.

Dekabrın 8-də Göyçay rayonunun Qaraməryəm kəndi ərazisində sanitar vəziyyətin qiymətləndirilməsi, mövcud norma və qaydalara əməl olunmasına nəzarət məqsədilə Qida Təhlükəsizliyi Agentliyinin əməkdaşlarının, rayon İcra Hakimiyyəti başçısının Qaraməryəm kəndi inzibati ərazi dairəsi üzrə nümayəndəliyinin və polis əməkdaşlarının birgə iştirakı ilə reyd keçirilib.

Aparılan reydlər zamanı ət kəsimi obyektlərində qanunsuz inşa edilmiş metal konstruksiyalar sökülərək, antisanitar vəziyyət yaradan şəxslərə heyvan kəsiminin baytar-sanitar qaydalara uyğun məntəqələrdə təşkilin vacibliyi bildirilib.

Əhalinin sağlam və keyfiyyətli ət məhsulları ilə təmin olunması məqsədilə sanitar-gigiyenik qaydalara əməl etməyən sahibkarların məsuliyyət daşıdıqları diqqətlərinə çatdırılıb.

Reydlər rayonun digər ərazilərində də davam etdiriləcək.

Bir iç mekan görseli olabilir