Azadsöz.az xəbər verir ki, Azərbaycanda moped idarə etmək üçün sürücülük vəsiqəsi tələb olunacaq.
Bu, Milli Məclisin plenar iclasında müzakirəyə çıxarılan “Yol hərəkəti haqqında” qanuna təklif edilən dəyişiklikdə əksini tapıb.
Qanun layihəsinə əsasən, dəyişikliyə görə konstruktiv maksimal sürəti 50 km/saatdan artıq olan bütün nəqliyyat vasitələrinin dövlət qeydiyyat nişanı ilə təmin edilməsi və sürəti 50 km/saatdan çox olan mopedçilərin sürücülük vəsiqəsi alması təklif edilir.
Hazırda moped sürücülərinin sayının minlərlə olduğunu nəzərə alaraq, qanunun 6 ay sonra qüvvəyə minməsi təklif olunur.
Müzakirələrdən sonra layihə səsverməyə çıxarılaraq I oxunuşda qəbul olunub.