Azadsöz.az xəbər verir ki, rayon İcra Hakimiyyətinin başçısı Natiq Ağayevin tapşırıq və göstərişinə əsasən, rayon ərazisində abadlıq və təmizlik işləri daim diqqət mərkəzində saxlanılır.
Bu istiqamətdə görülən növbəti tədbirdə şəhərin prospekt və küçələri mərhələli şəkildə asfaltlanır, rayonun Ləkçılpaq, Cəyirli, İnçə, Çərəkə, Şəhadət, Qaraməryəm və digər kəndlərində suvarma arxları, kiçik bərələr lil və çöküntüdən, məişət tullantılarından təmizlənir.
Rayon ərazisindən keçən magistral və eləcə də kəndarası avtomobil yollarının kənarlarında abadlıq işləri görülür, yeni ağaclar əkilir, yaşıllıqlar suvarılaraq qulluq göstərilir.
Qeyd edək ki, görülən işlər rayonumuzun təmiz və abad olması, həmçinin sakinlərin rahatlığını təmin etmək məqsədilə həyata keçirilir.
