Azadsöz.az xəbər verir ki, bu gün 44 günlük Vətən Müharibəsində şəhid olan Qüdrət Əzizovun ikinci ildönümüdür.Qüdrət Bəhruz oğlu Əzizov 19 iyun 1997-ci ildə Göyçay rayonunun Bığır kəndində anadan olub. Bığır kənd 3 nömrəli tam orta məktəbi 2013-cü ildə bitirib.O, 2014-cü ildə Bakıda Piriküşlüdə hərbi xidmətə başlamış və manqa komandiri olmuşdur.
27 sentyabr 2020-ci ildə başlayan Vətən müharibəsinə 29 sentyabrda könüllü olaraq orduya qoşulub.Cəbrayıl, Füzuli, Qubadlı və Xocavənd istiqamətində gedən döyüşlərdə şücaət göstərib.Noyabrın 9-da Şuşa uğurunda gedən döyüşlərdə qəhrəmancasına şəhid olub.Doğulduğu Bığır kənd qəbirstanlığında dəfn edilib.
Prezident İlham Əliyevin sərəncamına əsasən, Qüdrət Əzizov “Vətən uğrunda”, “Füzulinin azad olunmasına görə”, “Şuşanın azad olunmasına görə” və “Döyüşdə fərqlənməyə görə” medalları ilə təltif edilib.