Azadsöz.az xəbər verir ki, Dövlət İmtahan Mərkəzi ümumi (9 illik) orta təhsil bazasında orta ixtisas təhsili müəssisələrinə qəbul olmaq üçün keçirilmiş müsabiqənin nəticələrini bu gün saat 15:43-dən etibarən internet səhifəsində yerləşdirib.
Abituriyentlər imtahanın nəticələri haqqında məlumatı, mobil operatorlar (Azercell, Bakcell, Nar, Naxtel) vasitəsilə “iş nömrəsi”ni 7727 nömrəsinə göndərməklə də öyrənə bilərlər.
Müsabiqənin nəticələri haqqında statistik məlumatlar aşağıdakı cədvəldə təqdim olunur:
| Təhsil forması | Qəbul planı | Qəbul olunub | Qəbul olma | ||
| Azərbaycan bölməsi | Rus bölməsi |
Bölmələr üzrə cəmi | faizi | ||
| Dövlət ödənişsiz | 4478 | 4298 | 108 | 4406 | 98.39 |
| Dövlət ödənişli | 5349 | 5053 | 107 | 5160 | 96.45 |
| Özəl | 300 | 280 | 20 | 300 | 100.00 |
| Cəmi | 10127 | 9631 | 235 | 9866 | 97.41 |
Ümumi orta təhsil bazasında orta ixtisas təhsili müəssisələrinə qəbul olan abituriyentlərin sayı haqqında ümumi məlumat
Xüsusi qabiliyyət tələb edən və etməyən ixtisaslar üzrə qəbul olunan abituriyentlərin sayı haqqında məlumat:
| Təhsil forması | Qəbul planı | Qəbul olunub | Qəbul olma | ||
| Azərbaycan bölməsi | Rus bölməsi |
Bölmələr üzrə cəmi | faizi | ||
| Xüsusi qabiliyyət tələb etməyən ixtisaslar | 8648 | 8451 | 191 | 8642 | 99.92 |
| Xüsusi qabiliyyət tələb edən ixtisaslar | 1479 | 1180 | 44 | 1224 | 82.76 |
| Cəmi | 10127 | 9631 | 235 | 9866 | 97.41 |
Abituriyentlər 2022-ci il 22 avqust 12:00-dan 1 sentyabr saat 23:59 dək elektron qaydada qeydiyyatdan keçməlidirlər. Bunun üçün, https://portal.edu.az/ platformasında qeydiyyatdan keçmək, yaradılmış kabinetə daxil olduqdan sonra təqdim edilən xidmətlər sırasında “Ali və orta ixtisas təhsili müəssisələrinə təhsilalan qeydiyyatı” xidmətini seçmək lazımdır.
Müəyyən olunmuş müddətdə qeydiyyatdan keçməmək abituriyentin müvafiq ixtisasa yerləşdirilmədən imtina etməsi kimi qiymətləndiriləcək və onun qəbul haqqında əmri orta ixtisas təhsili müəssisəsinə göndərilməyəcək.