Azadsöz.az xəbər verir ki, iyulun 3-də Göyçay rayon İcra Hakimiyyətində rayon icra hakimiyyəti başçısının müavini Ədalət Dövlətovun sədrliyi ilə rayon ərazisində mövcud su ehtiyatlarından səmərəli istifadənin təmin edilməsi məqsədi ilə videokonfrans formatında iclası keçirilib.Keçirilən iclasda rayon icra hakimiyyəti başçısı aparatının məsul əməkdaşları,rayon Suvarma Sistemləri idarəsinin, Göyçay Dövlət Aqrar İnkişaf Mərkəzinin və kənd inzibati ərazi dairəsi üzrə nümayəndələri və bələdiyyə sədləri iştirak ediblər.
İclasda diqqətə çatdırılıb ki, son dövrdə havaların quraq keçməsinə görə Kür və Araz çaylarında, yeraltı mənbələrdə suyun həcminin kəskin azalması əkin torpaq sahələrinin suvarılmasında müəyyən çətinliklər yaranıb.Bunun üçün mövcud su ehtiyatlarından səmərəli istifadənin təmin edilməsi məqsədilə rayon icra hakimiyyəti başçısı yanında Kənd Təsərrüfatı Nazirliyinin, Azərbaycan Meliorasiya və Su Təsərrüfatı ASC-nin, kənd inzibati ərazi dairələri üzrə nümayəndələrinin və bələdiyyə sədrlərinin daxil olduğu operativ qərargah yaradılıb.
Yaradılan Operativ qərargah hər bir ərazi vahidi üzrə müəyyən edilmiş suvarma qrafikinə riayət olunması ilə bağlı mütəmadi olaraq monitorinqlər keçirməlidir.Bununla yanaşı suvarma suyunun əkin sahələrinə ədalətli, ərazilərin ölçülərinə görə proporsional bölgü və növbəlik prinsipləri əsasında verilməsi məsələsi gündəlik ciddi nəzarətdə saxlanılmalıdır.
Qeyd edək ki, su istifadəçilərindən daxil olan şikayətlərə operativ qaydada baxılmalı, su israfçılığına, habelə qrafikin pozulmasına yol verən şəxslər barədə qanunvericiliklə müəyyən edilmiş tədbirlərin həyata keçirməlisi müşavirə iştirakçılarının diqqətinə çatdırılıb.