Azadsöz.az xəbər verir ki, son günlər müxtəlif saytlarda Teymur Əhmədov adına “AZNAR” Qapalı Səhmdar Cəmiyyəti haqqında yayılan saxta məlumatlara şirkət aydınlıq gətirmək qərarına gəlib:
“İlk öncə bildirmək istəyirik ki, barəmizdə şikayət və böhtan xarakterli məlumatları paylaşan şəxslər Teymur Əhmədov adına “AZNAR” QSC-nin “Qrante-Trading” filialının keçmiş əməkdaşlarıdı.Həmin şəxslərin bir çoxu ilə əmək müqaviləsinin müddəti bitdikdən sonra digərlərilə isə öz ərizələri əsasında əmək müqavilələrinə xitam verilmişdir. Əmək müqavilələrinin xitam verilməsinə səbəb həmin filialın daxilində olan bəzi əməkdaşlar tərəfindən mənimsəmələrə yol verilməsi və həmçinin filial zərərlə fəaliyyət göstərilməsi olmuşdur.Hal-hazırda qeyd olunan filialda audit yoxlaması keçirilir və həmin yoxlamanın nəticəsi əsasında baş vermiş mənimsəmələr barədə hüquq-mühafizə orqanlarına tərəfimizdən müraciət ediləcəkdir. Bundan başqa, əmək haqqlarının ödənilməməsinə dair bildirmək istəyirik ki, əməkdaşların əmək haqqlarının son haq-hesabları hissə-hissə həyata keçirilir. Hər hansı qanun pozuntusu ilə fəaliyyətimizin həyata keçirilməsi iddiası tamamilə həqiqətlərə uyğun deyil.
Belə ki, Dövlət Vergi Xidməti tərəfindən filialda yoxlama həyata keçirilmişdir və həmin yoxlamanın nəticəsi üzrə hər hansı nöqsan aşkar edilməmişdir.2 həftə bundan qabağ baş vermiş yol-nəqliyyat hadisəsi barədə KİV-də şirkətin direktoru Teymur Əhmədovun adı hallanmışdır.Həmin hadisə ilə bağlı bildirmək istəyirik ki, hadisənin Teymur Əhmədovla hər hansı əlaqəsi yoxdur, “Porsche” markalı avtomobil Teymur Əhmədova məxsus olduğundan həmin yol-nəqliyyat hadisə üzrə Teymur Əhmədov zərərçəkmiş şəxs qismində tanınmışdır”.